Shitja e antibiotikëve në barnatoret kosovare nuk po mund të kontrollohet nga Inspektorati Farmeceutik, ndërsa mikrobiologët po thonë se pasojat e përdorimit të tyre janë të mdëha.
Kosova radhitet në mesin e vendeve me shkallën më të lartë në Europë për përdorimin e disa llojeve të antibiotikëve, njofton Gazeta Express.
Ani pse Kosova e ka një ligj që e ndalon shitjen e ilaçeve pa recetë, ky i fundit vazhdon të neglizhohet.
Megjithatë sipas ushtruesit të detyrës së drejtorit të Inspektoratit Farmaceutik në Ministrinë e Shëndetësisë, Shaban Osmanaj, tani gjendja është më e mirë se viteve të kaluara.
Por ndryshe nga Osmanaj, kryetari i Odës së Farmacistëve të Kosovë, Arianit Jakupi, thotë se kosovarët vazhdojnë të konsumojnë me të madhe antibiotik.
E pasojat sipas mikrobiologut Lul Raka, janë të mëdha për përdoruesit e shpeshtë të këtyre tabletave.
“Pasoja kryesore është shfaqja ndaj rezistencës së anatibiotkëve. Dmth këto barna personi që i ka përdor më parë në të ardhmen nëse i përdor nuk do të kenë efekt”, tha ai.
E futja në fuqi e Ligjit për Sigurime Shëndetësore dhe rimbursimit të barnave, do ta bëjë të obligueshëm respektimin e shitjes së barnave me recetë, meqë pacientit nuk mund t’i rimbursohen barnat pa e pasur sistemin e referimit komplet dhe recetën e barnave.