Ministri i Shëndetësisë, Uran Ismaili, ka premtuar për largimin e listave të pritjeve në Qendrën Klinike Universitare të Kosovës pas blerjes së rezonancës magnetike, që do ndihmojë stafin mjekësor të Radiologjisë për diagnostikimin e sëmundjeve të ndryshme.
Këto zotime i pari i Shëndetësisë i bëri në seancën e sotme parlamentare, derisa ky i fundit ka thënë se do jetë synim i tij gjatë këtij mandati dhe ka njoftuar se kanë filluar procedurat e blerjes së këtij mjeti, shkruan Telegrafi.
“Ne kemi trashëguar një sistem shëndetësor me lista të gjata të pritjes. Megjithatë, ne kemi identifikuar disa të tilla. Pas heqjes së listës së pritjes për stentim, tani kemi nisur proceduar për berjen edhe të një resonance të re magnetike. Me blerjen e saj, e cila do të bëhet brenda këtij viti, do të hiqet edhe kjo listë e pritjes”, tha ministri Ismaili në seancë.