Ish-këshilltarja e ministrit të Shëndetësisë, Rina Limani, ka dal e para në testin me shkrim në garën për drejtor të Instituteve Paraklinike të QKUK-së
Procesi i konkursit për drejtor të njësive të QKUK-së po vazhdon ende. Rezultatet e testit me shkrim janë publikuar edhe për dy klinika, Reumatologji dhe Hematologji, si dhe për Institutet Paraklinike.
Në këtë të fundit garës për drejtor i ka hyrë edhe Rina Limani, ish-këshilltare e ministrit të Shëndetësisë Uran Ismaili. Limani ka dal e para në testin me shkrim me gjithsej 92 pikë, duke lënë larg kundërkandidatët e saj. Dr. Shkelzen Reqica ka dal i dyti me 80 pikë dhe Dr. Labinot Shahini në vendin e tretë me 78 pikë. Dr. Sadushe Loxha nuk ka arritur ta kaloj testin me shkrim duke marr vetëm 44 pikë, shkruan Gazeta Shneta.
Ndërkaq në garën për drejtor të Reumatologjisë pa konkurrencë ka mbetur Dr. Avni Kryeziu. Ai ka fituar 86 pikë në testin me shkrim, ndërsa dy kundërkandidatët e tij Dr. Arta Gashi dhe Dr. Basri Durmishi kanë abstenuar nga testi.
Garë pa konkurrencë po zhvillon edhe Dr. Shemsedin Sadiku me 75 pikë në testin me shkrim për drejtor të Hematologjisë. Dy kundërkandidatë të tij, Dr. Fitim Gashi dhe Dr. Afërdita Ukimeraj nuk e kanë kaluar testin me shkrim pasi kanë marr më pak se 50 pikë, ndërsa Dr. Suzana Krasniqi ka abstenuar. /Gazeta Shneta/