Drejtori i Spitalit të Gjilanit, Dr. Nisret Hajrullahu, ka folur për gjendjen të lënduarve nga aksidenti i rëndë që ndodhi dje në qendër të qytetit ku mbeti i vdekur një person dhe u lënduan mbi 20 të tjerë.
“Gjendja e tyre është e mirë. Nuk ka nevojë për ndonjë intervenim, pasi që gjendja e tyre vetëm sa po shkon duke u përmirësuar. Mbrëmë është lëshuar nga Spitali një prej të lënduarve, derisa të tjerët po vazhdojnë të trajtohen”, ka thënë Hajrullahu për Express.
Dje rreth orës 14:00 një kamion me shpejtësi të madhe dhe me probleme teknike hyri në rrugët e qytetit të Gjilanit ku goditi disa vetura dhe këmbësorë. Dyshimet e para janë se kamionit i ishin prishur frenat, derisa Prokuroria ka arrestuar shoferin.
Në Spitalin e Gjilanit kanë kërkuar ndihmë rreth 27 persona, ndërsa tre prej tyre janë dërguar me urgjencë për trajtim në QKUK. /Gazeta Shneta/
