Laboratoret e frytnimit të asistuar mjekësor (IVF) janë vënë në shënjestër të Policisë së Kosovës.
Këta të fundit, për një hark të shkurtër kohor, kanë mbyllur plot tre qendra të mëdha të IVF’it në Kosov, shkruan Gazeta Shneta.
E filluan me Klinikën Amerikane, duke arrestuar pronarët dhe zyrtarë të tjerë të spitalit, për të vazhduar njëjtë edhe me dy spitalet e tjera: ‘Bahceci’ dhe ‘Sirona’.
Janë plot tre qendra IVF që shteti vendosi t’i mbyllë nën akuza të ngjajshme: “Transplantime të jashtëligjshme si dhe trafikim me organe”.
Tashmë kanë mbetur edhe tre qendra të tjera pa rënë ‘pre’ e bastisjeve nga ana e Policisë së Kosovës: Spitali Lindja, Spitali ‘Fati Im’ dhe Spitali Amerikan.
Më së keqi në këtë mes e kanë pësuar pacientët që veç kishin filluar procedurat e IVF’të në spitalet e lartcekura, duke rrezikuar humbjen e qelizave.
E, një situtatë e tillë duket se më së shumti po i shkon për shtati spitave që merren me këtë lëmi në Maqedoni. Sikurse është raportuar edhe më parë, vetëm vitin e kaluar qytetarët e Kosovës kanë shpenzuar më shumë se 100 milionë euro në trajtimet shëndetësore në shtetin fqinj.
Tashmë, spitalet po ndihen të terrorizuara nga presioni që po iu bëhet nga Policia e Kosovës.
“Terrori i kontrollove policore po vazhdon në secilin spital privat që bën fekondim artificial. Janë dy arsye pse po e bëjnë një gjë të tillë: Po synojnë t’i çojnë pacientët në Maqedoni ose po përgatitin terrenin për ndonjë spital të ri”, u shpreh dje në kushte anonimiteti një zyrtar spitali që merret me IVF në Prishtinë.
Çuditërisht, shoqata e institucioneve që merren me IVF në Kosovë, ende nuk ka dalë me ndonjë komunikatë zyrtare për mbylljen e tre institucioneve që merren me këtë fushë mjekësore.
Ndryshe, kjo nuk është hera e parë që Policia e Kosovës është marrë me qendrat e IVF’it në vend. Vite më parë, policia i kishte vënë dryrin edhe spitalit që udhëhiqej nga Gjina Zeqiraj, e cila sot e kësja dite është në arrati. /Gazeta Shneta/