Një delegacion i Federatës Botërore për Hemofili ka qëndruar në një vizitë tre ditore në Kosovë ku janë takuar me Fondacionin Kosovar për Hemofili, me zyrtarë të QKUK-së dhe Ministrisë së Shëndetësisë.
Vizita e mjekëve ndërkombëtarë ka të bëjë me akreditimin e shoqatës kosovare nga Federata Botërore dhe binjakëzimin e QKUK-së me spitalin publik të Arkansasit në SHBA.
“Kushtet e trajtimit të pacientëve me hemofili në Kosovë i ka brengosur tej mase ndërkombëtarët, prandaj kanë vendosur që të fillojnë bashkëpunimin e binjakëzimit të QKUK-së me spitalin në Arkansas SHBA, që do të zgjasë pesë vite pasi Fondacioni Kosovar për Hemofili të anëtarësohet në Federatën Botërore për Hemofili”, thuhet në njoftim.
Poashtu Federata Botërore për Hemofili në bashkëpunim me spitalin Arkansas,SHBA kanë ofruar një mundësi për konsultim falas për pacientët të prekur me hemofili,nga ana e dy mjekeve nga Arkansas,SHBA ,nga fizioterapistja Melissa Hicks Whitman dhe Prof.dr.Kimo Stine.
Për këtë bashkëpunim organizatat kanë marr përkrahje edhe nga Ministri i Shëndetësisë Uran Ismaili dhe drejtori i SHSKUK-së Dr. Basri Sejdiu. /Gazeta Shneta/
