Drejtori i Klinikës së Kirurgjisë në QKUK, Dr. Ferat Sallahu, ka ardhur në këtë pozitë që disa muaj, por pozitën e tij po e ushtron nga zyra e infermieres.
Kjo për faktin se menaxhmenti i QKUK-së ende nuk i ka siguruar atij një hapësirë apo zyrë të drejtorit të klinikës. Kjo u pa edhe nga një intervistë e tij në Klan Kosova, ku Sallahu flet para kamerës në zyrën e kryeinfermieres së Kirurgjisë.
Kujtojmë se Klinika e Kirurgjisë është një nga klinikat me volumin më të madh të punës dhe me personel të madh mjekësor. QKUK ka siguruar zyre dhe inventar për pothuajse të gjithë drejtorët e klinikave që janë përzgjedhur me konkursin e fundit. /Gazeta Shneta/