Përparim Berisha është përzgjedhur kryetar i ri i Sindikatës së Infermierëve, Mamive dhe Profesionistëve tjerë shëndetësorë.
Berisha është votuar unanimisht nga Këshilli Drejtues i sindikatës, pas tërheqjes së ish-kryetarit Fitim Havolli nga pozita e tij për shkak të angazhimeve politike, shkruan Gazeta Shneta.
“Njoftohet komuniteti infermier, mami dhe profesionistë tjerë shëndetësor se dje me datë 28/10/2019 ne mbledhjen e Këshillit Drejtues të SHSIMP, me vota unanime u vendos që pozitën e Kryetarit të SHSIMP ta ketë z.Përparim Berisha, ndërkaq për shkak të angazhimeve politike, nga të gjitha pozitat brenda SHSIMP u tërhjek z.Fitim Havolli të cilin në emër të Kryesisë së SHSIMP e falenderojmë për kontributin e dhënë në themelimin dhe konsolidimin e sindikatës, duke shpresuar që angazhimi i tij në të mirën e komunitetit nuk do të ndalet, i urojmë sukses. Kryetarit Përparim Berisha i urojmë punë të mbarë dhe sukses nê angazhimet e mëtejme”, thuhet në njoftimin e sindikatës. /Gazeta Shneta/