Lajmi i mirë vjen nga Klinika e Gjinekologjisë, ku gjatë javës së kaluar tri nëna kanë sjell në jetë foshnjet e tyre të cilat rezultuan negative nga COVID-19.
Detajet në lidhje më këtë lajm i dha për Gazetën Express, drejtori i Klinikës Gjinekologjike, Jakup Ismaili.
“Po gjatë javës së kaluar tri nëna të reja kanë sjellë në jetë fëmijët e tyre. Gjendja shëndetësore e nënave dhe e bebeve është stabile. Dy lindje janë kryer si lindje normale, e një me operacion. Ne ua kemi bërë testin e Covid-19 foshnjave. Ato kanë rezultuar negativ. Nënat bashkë me foshnjat janë liruar për në shtëpi”, ka deklaruar Ismaili për Express.
Ismaili përmendi një sërë masash që duhet pasur kujdes nënat e atakuara, siç është ushqyerja me gji, vënia e maskave, mbajtja e distancës si dhe higjiena personale.
