Një situate misterioze që prek fëmijët dhe se mund të lidhet me COVID-19 është raportuar në disa vende Evropiane dhe Amerikën e Veriut.
Shkruan: Bio.Erisa MUÇA.
Organizata Botërore e Shëndetit (OBSH) nxori një përmbledhje shkencore duke përshkruar “grupimet e fëmijëve dhe adoleshentëve që kërkojnë pranim në njësinë e reanimacionit me një gjendje inflamatore multisistemik me disa tipare të ngjashme me ato të sëmundjes Kawasaki dhe sindromës së shokut toksik”.
Cilat janë tiparet e sëmundjes Kawasaki dhe sindromi i shokut toksik?
Bakteriet Gram-pozitive S. aureus dhe streptokoket e grupit A (GAS) janë shkaqe të zakonshme të kolonizimit ose infeksionit. Sëmundjet që lidhen me infeksionin S. aureus variojnë nga infeksionet sipërfaqësore të lëkurës, të tilla si skuqje të lëkurës ose puçra të vogla, në një skaj të spektrit deri tek abseset pyogjenike, endokarditi, infeksioni i kockave dhe nyjeve dhe në ekstremin tjetër sindromi i shokut toksik (TSS) . Në mënyrë të ngjashme, infeksioni i GAS është shkaktar i shumë sëmundjeve infektive duke fillur që nga faringjiti deri në sindromën e shokut toksik (TSLS).
NHS England së pari paralajmëroi në prill që disa fëmijë kanë treguar simptoma të sindromës së shokut toksik – e cila është shkaktuar nga bakterie që hyn në trup dhe lëshon toksine të dëmshme – gjithashtu dhe sëmundjen atipike Kawasaki ” ku parametrat e gjakut kan treguar ngjashmëri me parametrat e gjakut të paraqitura në situatë të rënduar te COVID-19.
Rastet në botë:
Italia:
Të dhënat mjekësore nga spitali Papa Giovanno XXIII treguan se 10 nga 19 raste të sëmundjes Kawasaki në pesë vitet e fundit ishin raportuar midis mesit të shkurtit dhe mesit të prillit.
Artikulli raportoi se tetë nga këto 10 kishin testuar pozitivisht për COVID-19, me dy të tjerët ndoshta mund të ishin negativë të rremë, duke treguar një rritje 30-fish pas shpërthimit të pandemisë koronavirus.
Në Bergamo( Itali) midis 18 shkurtit dhe 20 Prillit, Spitali Papa Giovanni XXIII pranoi 10 fëmijë me sindromë, përfshirë tetë të cilët testuan pozitivisht për antitrupa koronavirus.
Gjatë pesë viteve të fundit, mjekët kishin parë gjithsej vetëm 19 fëmijë me sëmundje Kawasaki.
Mbretëria e Bashkuar:
Ka midis 75 dhe 100 fëmijë në Mbretërinë e Bashkuar që aktualisht marrin trajtim për sëmundjen Kawasaki.
Në Mbretërinë e Bashkuar, një djalë 14-vjeçar vdiq nga një sëmundje e rrallë (e cila nuk kish qënë prezente në të kaluarën e tij )e lidhur me COVID-19.
Djali ishte një nga tetë rastet e trajtuar në Spitalin e Fëmijëve Evelina London për një periudhë 10-ditore në prill. Ai kaloi gjashtë ditë në departamentin e reanimacionit dhe testoi pozitiv për koronavirusin pas vdekjes së tij.
Sipas një artikulli të mjekëve në Evelina të botuar në The Lancet, spitali kishte parë 20 raste të sëmundjes tek fëmijët që nga java e kaluar, më i ri nga të cilët ishte katër vjeç. Të gjithë fëmijët përveç djalit 14-vjeçar mbijetuan.
Të gjithë fëmijët ishin më parë ne gjendje te mirë,” thuhet në raportin e publikuar ne The Lancet. “Mendojme që kjo pamje klinike të përfaqësojë një fenomen të ri që prek fëmijët te cilet më parë kan qene asimptomatikë me infeksion SARS-CoV-2 (COVID-19) që konsiderohet si një sindromë hiperinflamator me përfshirje multi-organesh kjo e ngjashme me sindromën e shokut të sëmundjes Kawasaki.
Ky fenomen, i cili filloi të shihet në shumë vende të botës, tregon se fëmijët mund të shfaqin një tabllo të ndryshme klinike (ngjitur testit pozitiv të covid 19) ne krahasim me të rriturit duke rënë në kundërshtim me mendimin se fëmijët nuk preken nga covidi 19.
Sidoqoftë me rritjen dhe ndarjen e rasteve klinike dhe hulumtimeve do të jetë e mundur të arrihet në një mendim më të saktë ne lidhje me këtë fenomen. /Gazeta Shneta/