Komisioni për Shëndetësi në Kuvendin e Kosovës ka votuar sot me shumicë votash për ta dërguar në Prokurori raportin e Ministrisë së Shëndetësisë për kontratat e negociuara.
Lidhur me këtë raport, kryetarja e këtij komisioni, Albena Reshitaj, tha se janë ngritur dyshime lidhur me keqpërdorimin e parasë publike gjatë tenderimit të emergjencave në Ministrinë e Shëndetësisë. Reshitaj ka sugjeruar që ky komision të dal me një qëndrim për të ndihmuar zbardhjen e të gjitha dyshimeve, shkruan Gazeta Shneta.
“Anëtarët e këtij komisioni, pas paraqitjes së opinioneve të tyre lidhur me këtë raport, me nëntë vota për, dhe një abstenim, u pajtuan që ta procedojnë në prokurori, me pretendimin se gjatë kohës së pandemisë Covid-19, në Ministrinë e Shëndetësisë, gjatë tenderimit të emergjencave, ka pasur fryrje të çmimeve, favorizime në tenderë, konflikt interesi etj”, thuhet në njoftim.
Përveç Komisioni, edhe vet MSH kishte kërkuar hetime nga Policia e Kosovës dhe Autoriteti i Konkurrencës me dy kërkesa zyrtare për hetimin e këtyre kontratave. MSH kishte fajësuar operatorët ekonomik se kanë fryrë çmimet e produkteve kundër Covid-19. /Gazeta Shneta/