Radiologu i njohur Dr. Habib Jakupi ka folur për emigrimin e tij në Zvicër në vitin 2013, duke thënë se e la Kosovën për shkak të vendimit të Gjykatës Kushtetuese
Jakupi ka treguar se pas përfundimit të Fakultetit të Mjekësisë kishte emigruar fillimisht në Gjermani në vitin 1992 ku kishte kryer specializimin për radiologji në vitin 1997.
Ai ishte kthyer sërish në Kosovë, por në vendlindje nuk qëndroi për shumë kohë pasi nuk u pajtua me një vendim të Gjykatës Kushtetuese për sistemin shëndetësor.
“Jam kthyer sërish në Kosovë në vitin 2003 dhe kam emigruar sërish, këtë herë në Zvicër në vitin 2013 (pasi Gjykata Kushtetuese e Kosovës i rrëzoi nenet reformatore në ligjin e ri të Shëndetësisë të aprovuar në Kuvendin e Kosovës në vitin 2012 dhe me këtë veprim, sipas mendimit tim e bëri të ligjshme status quo-në për 10-15 vitet e ardhshme jo shumë të favorshme (që fatkeqësisht koha e dëshmoi). Një grup mjekësh ku bëja pjesë edhe unë ishim angazhuar prej 10 vjetësh në një program specifik ku të ndahej qartë puna e mjekut, ose të punojmë në sektorin publik ose në sektorin privat! Dhe kjo çështje dështoi në Kushtetuese!”, ka deklaruar Jakupi.
Intervistën e tij të plotë e gjeni në syri.tv.