Instituti Robert Koch (RKI) i Gjermanisë ka sjellur rekomandimet nga Komisioni i Përhershëm i Vaksinimit (STIKO) në lidhje me procesin e vaksinimit te gratë shtatzëna.
Sipas STIKO, gratë shtatzëna rekomandohet të marrin dy dozat e vaksinës kundër Covid që nga tremujori i dytë i shtatzënisë shkruan Reuters, transmeton Gazeta Shneta.
Për më tepër, këtë vit, shumë vende kanë rekomanduar që gratë shtatzëna të vaksinohen kundër Covid, pasi studimet e shumta kanë konkluduar rreth sigurisë së tyre.
Gjatë muaji korrik, Agjencia Evropiane e Barnave ka deklaruar se të dhënat e deritanishme nuk sugjerojnë ndonjë efekt anësorë në lidhje me vaksinat.
Poashtu, në muajin gusht, Qendrat Amerikane për Kontrollin dhe Parandalimin e Sëmundjeve (CDC) rekomanduan që gratë shtatzëna duhet të vaksinohen kundër Covid.
Së fundmi, edhe Ministri i Shëndetësisë në Gjermani, Jens Spahn, u bën thirrje grave shtatzëna dhe gjidhënëse që të vaksinohen kundër Covid dhe të mbrojnë shëndetin e tyre dhe të fëmijëve.
“Edhe gratë shtatzëna dhe ato gjidhënëse tani kanë një rekomandim të qartë për vaksinim”
“Kërkesa ime urgjente për të gjitha gratë shtatzëna dhe ato gjidhënëse: Pyesni mjekun tuaj.Vaksinohuni.Ju po mbroni veten dhe fëmijën tuaj”, u shpreh ai.
Deri më tani, në Gjermani janë vaksinuar plotësisht 73 për qind e të rinjëve, me vaksinat Pfizer dhe Moderna./GazetaShneta/