Agjencia Evropiane e Barnave (EMA), njoftuan të martën se kanë filluar të vlerësojë injektimin përforcues kundër COVID-19 të Pfizer/BioNTech për fëmijët e moshës 12 deri në 15 vjeç.
Kjo agjenci, javën e kaluar tha se do të vendosë së shpejti për një aplikim të ngjashëm për t’u dhënë një dozë përforcuese, të quajtur ‘Comirnaty’, për adoleshentët e moshës 16 dhe 17 vjeç brenda bllokut 27-vendesh evropian, shkruan MedicalxPress përcjell Gazeta Shneta.
“EMA ka filluar vlerësimin e një aplikacioni për përdorimin e një doze përforcuese të dozës Comirnaty tek adoleshentët e moshës 12 deri në 15 vjeç,” tha agjencia me bazë në Amsterdam.
“Një aplikim për adoleshentët më të rritur të moshës 16 deri në 17 vjeç është gjithashtu në procedurim”, thuhet në një deklaratë.
Kreu i strategjisë së vaksinave të EMA-s, Marco Cavaleri, javën e kaluar tha se nuk kishte gjasa që të kishte një vendim për të miratuar dy vaksina të prodhuara nga firmat franceze Valneva dhe Sanofi Pasteur – të dyja aktualisht në rishikim të profilit të sigurisë
Por ai shtoi se vaksinimi – në veçanti vaksinat përforcuese – “mbetën forma më e mirë e mbrojtjes kundër sëmundjeve serioze nga varianti Omicron i virusit.”. /Gazeta Shneta/