Paneli i pavarur këshillues i vaksinimit të Gjermanisë, po rekomandon një vaksinë përforcuese të lloji ARNm për njerëzit që kanë pasur një kurs të plotë të ndonjërës nga këto katër vaksinat kineze (2), indiane (1) dhe ruse (1) kundër COVID-19 që nuk janë aktualisht të miratuara për përdorim në Bashkimin Evropian.
Në një projekt-rekomandimi, të enjten, paneli i njohur me akronimin gjerman STIKO, tha se këshillat zbatohen për njerëzit që marrin një kurs të plotë dhe gjithashtu një dozë përforcuese të vaksinave kineze ‘Sinovac dhe Sinopharm’, ‘Covaxin’ të prodhuar në Indi dhe ‘Sputnik V’ të Rusisë, shkruan MedicalxPress përcjell Gazeta Shneta.
Ndër të tjera, u tha se vaksina e re përforcuese duhet të administrohet të paktën tre muaj pas vaksinimit të mëparshëm.
Shkencëtarët besojnë se përzierja dhe përshtatja e vaksinave nxit një përgjigje më të mirë imune.
Vaksinat BioNTech/Pfizer dhe Moderna, kanë qenë shtylla kryesore të programit të vaksinimit të Gjermanisë.
Mes tjerash, këto vaksina të tipit ARNm, kanë treguar të jenë më të mira se të tjerat në mbrojtjen kundër varianteve më të reja si Omicron. /Gazeta Shneta/