Kryetari i Prishtinës, Përparim Rama, përmes një postimi në facebook ka bërë të ditur se shërbimi për Mamografi tash e tutje do të bëhet në kohë reale, pa pasur nevojë të krijohet lista e pritjes për pacientët.
“Nuk do të ketë më listë pritjeje për mamografi, shërbimi ofrohet në kohë reale në QKMF dhe QMF – V”, ka shkruar ai, duke e cilësuar këtë një lajm të mirë për kryeqytetin.
Ai tutje ka shkruar se së bashku me stafin e Qendrës së Mjekësisë Familjare kanë indentifikuar nevojat dhe kërkesat e pacientëve “në mënyrë që vazhdimisht të përmirësojmë shërbimet për qytetarët”.
Mamografia është metodë diagnostifikuese kryesisht për kancerin e gjirit. /Gazeta Shneta/
