Organizata Botërore e Shëndetësisë (OBSH), njoftoi se po heton një shpërthim të hepatitit akut tek fëmijët që tani përfshin 11 vende, përfshirë dhe Shtetet e Bashkuara.
Në mesin e 169 rasteve të raportuara, të paktën një fëmijë ka vdekur nga ky inflamacion i mëlçisë dhe 17 fëmijë kishin nevojë për transplantim të mëlçisë, tha një një deklaratë OBSH, përcjell Gazeta Shneta.
“Nuk është ende e qartë nëse ka pasur një rritje të rasteve të hepatitit, apo një rritje të ndërgjegjësimit për rastet e hepatitit që ndodhin me shpejtësinë e pritur, por që nuk zbulohen”, tha OBSH.
“Ndërsa adenovirusi është një hipotezë e mundshme, hetimet janë në vazhdim për agjentin shkaktar.”
Simptomat “ndër rastet e identifikuara është hepatiti akut me enzima të mëlçisë dukshëm të ngritura”, shtohet në deklaratë.
Mjekët amerikanë në vijën e parë të frontit ndaj shpërthimit të hepatitit që po prek fëmijët
Hepatiti zakonisht shkaktohet nga një virus. Adenoviruset janë të zakonshëm, mund të përhapen midis njerëzve dhe mund të shkaktojnë që njerëzit të sëmuren lehtë ose rëndë. Midis këtyre infeksioneve të fundit, adenoviruset janë zbuluar në të paktën 74 raste, por ato zakonisht nuk shkaktojnë hepatit të rëndë te njerëzit e shëndetshëm.
Viruset e zakonshme që shkaktojnë hepatitin akut viral, duke përfshirë viruset e hepatitit A, B, C, D dhe E, nuk janë zbuluar në asnjë nga këto raste, sipas OBSH-së.
Ndërsa shumica e fëmijëve nuk kishin ethe, shumë prej tyre raportuan simptoma gastrointestinale si dhimbje barku, diarre dhe të vjella “paraqitja e mëparshme me hepatit të rëndë akut”, si dhe nivele të rritura të enzimave të mëlçisë dhe verdhëz, raportoi CNN.
Shumica e 169 rasteve u raportuan në Mbretërinë e Bashkuar, e cila kishte 114 prej tyre. Nëntë raste u raportuan nga Departamenti i Shëndetësisë në Alabama javën e kaluar.
Hetuesit janë gjithashtu në dijeni për 13 raste në Spanjë, 12 në Izrael dhe një numër më të vogël në Belgjikë, Danimarkë, Francë, Irlandë, Itali, Holandë, Norvegji dhe Rumani. Fëmijët janë të moshës nga 1 muaj deri në 16 vjeç, raportoi CNN. /Gazeta Shneta/