Qeveria e Kosovës me propozim të ministrit të Shëndetësisë Rifat Latifi, ka lehtësuar procedurat për licencimin e mjekëve të huaj të cilët vijnë në vendin tonë për qëllime humanitare.
Ky vendim është marr një javë para se të vijnë ekipi i kardiokirurgëve amerikanë dhe italianë për trajtimin e rreth 30 fëmijëve me probleme në zemër në Kosovë, shkruan Gazeta Shneta.
Mjekët është dashur të vijnë në muajin mars, por një defekt në sallën e kateterizimit në QKUK, si dhe mungesa e disa dokumenteve për licencim në Ministrinë e Shëndetësisë, e shtyu ardhjen e tyre deri në maj.
“Ne kemi nevojë për licencimin e profesionistëve të huaj shëndetësor për qëllime humanitare në SHSKUK, siç është planifikuar për të kryer intervenimet, trajtimet kardiokirurgjike te fëmijët nga 7 deri 14 maj 2022. Kjo është e nevojshme dhe e domosdoshme të bëhet duke tejkaluar procedurat që përcaktohen me rregullore e Qeverisë”, theksoi ministri i Shëndetësisë, Rifat Latifi.
Kabineti qeveritar ka miratuar propozim-vendimin për autorizimin e Ministrit të Shëndetësisë për tejkalimin e procedurave të parapara me rregulloren Nr.09/2011 të Punës së Qeverisë dhe Rregulloren Nr.13/2013 për shërbimin Ligjor Qeveritar për hartimin e Udhëzimin Administrativ për licencimin e profesionistëve të juaj shëndetësorë.
Ministri i Shëndetësisë, Rifat Latifi, tha se ky ndryshim dhe tejkalim i procedurave është i nevojshëm, në mënyrë këto shërbime të kryhen në javën e dytë të majit. Ky ndryshim u miratua unanimisht nga kabineti qeveritar. /Gazeta Shneta/