Agjencia Evropiane e Barnave (EMA), miratoi të hënën një vaksinë që synon në mënyrë specifike llojet e reja dhe ngjitëse të variantit Omicron mes frikës për një valë të re të infeksioneve dimërore COVID-19.
E ashtuquajtura “vaksina bivalente”, e prodhuar nga Pfizer/BioNTech, i drejtohet llojeve shumë infektive BA.4 dhe BA.5 të variantit dhe është i pari i këtij lloji që miratohet brenda bllokut 27-vendesh, shkruan MedicalxPress përcjell Gazeta Shneta.
“Ky rekomandim do të zgjerojë më tej arsenalin e vaksinave të disponueshme për të mbrojtur njerëzit kundër COVID-19 pasi pandemia vazhdon dhe valë të reja infeksionesh priten në sezonin e ftohtë”, njofton EMA.
Vaksinat e fundit “përputhen më mirë me variantet qarkulluese të SARS-CoV-2 dhe pritet të ofrojnë mbrojtje më të gjerë kundër varianteve të ndryshme”.
Rekomandimi i EMA-së, i cili tani do t’i dërgohet Komisionit Evropian për një vendim përfundimtar – u bazua në mënyrë specifike në të dhënat klinike nga vaksinat e Pfizer që synonin virusin origjinal dhe variantin Omicron BA.1. /Gazeta Shneta/