Musa Vitia ka folur për Gazetën Shneta pasi iu dogj edhe vetura e dytë pas herës së parë më 19 gusht të këtij viti.
Vitia ka thënë se dyshon se kjo po i ndodh për shkak të punës së tij. Ai ka deklaruar se nuk ka ndonjë person në të cilin mund të dyshoj konkretisht.
“Mund të jetë e lidhur me punën time. Tani për mua të gjithë janë të dyshuar. Nuk kam ndonjë dyshim konkret. Janë njoftuar Policia e Kosovës, ata janë duke u marr edhe me rastin e parë. Po pres që të zbardhen rastet, por jam shumë i shqetësuar”, ka dekaruar Vitia.
Vitia ushtron pozitën e shefit të Auditorit të Brendshëm që disa vite në SHSKUK. Në dy vitet e fundit disa auditime të brendshme të kryera nga zyra e tij kanë përfunduar në organet e drejtësisë. /Gazeta Shneta/
Sërish i digjet vetura shefit të Auditorit të Brendshëm të SHSKUK-së Musa Vitisë