Ka ndërruar jetë, Dr. Saljidin Jonuzi, specialist i Mjekësisë Interne.
Lajmin e ka bërë të ditur Oda e Mjekëve të Kosovës, përmes një njoftimi në rrjetin social facebook.
Në njoftim bëhet e ditur se Dr. Jonuzi, vdiq më 6 nëntor në moshën 69-vjeçare.
Ai kishte shërbyer në Qendrën Kryesore të Mjekësisë Familjare, në Dragash.
Njoftimi i plotë:
Ndahet nga jeta Dr. Saljidin Jonuzi, 24.02.1953- 06.11.2022
Dr. Jonuzi ishte me prejardhje nga Komuna e Dragashit dhe ka qenë specialist i Mjekësisë Interne.
Specializimin e përfundoi në Universitetin e Sarajevës, Bosnje dhe Hercegovinë, në degën e mjekësisë interne.
Dr. Jonuzi i shërbeu qytetarëve në Qendrën Kryesore të Mjekësisë Familjare, në Dragash, për vite me rradhë.
Oda e Mjekëve të Kosovës i shpreh ngushëllimet më të sinqerta familjarëve, miqve dhe kolegëve të tij.