Ministri i Shëndetësisë Arben Vitia, ka vizituar sot ShSKUK-në me ç’rast ka uruar u.d. drejtoreshën e re, Dr. Narqize Arneliu – Hoxha për detyrën e re.
Vitia e siguroi u.d drejtoreshën, Arenliu – Hoxha se do ta ketë gjithmonë mbështetjen në kuadër të kompetencave ligjore.
Mes tjerash, thuhet se gjatë këtij takimi ministri Vitia ka theksuar se përmirësimi i shërbimeve shëndetësore është mision i përbashkët, pavarësisht se detyrat dhe përgjegjësitë janë të ndara.
“Ju siguroj se do të keni përkrahjen time maksimale në punët që na presin bashkërisht për të përmirësuar shërbimet dhe rritur kapacitetet në ShSKUK”, tha Vitia.
Nga ana tjetër, u.d. drejtoresha Narqize Arneliu – Hoxha, e falënderoi ministrin Vitia për vizitën dhe përkrahjen në detyrën e saj të re.
Komunikata e plotë:
Ministri i Shëndetësisë, Dr. Arben Vitia vizitoi sot ShSKUK – në, takoi u.d, Narqize Arenliu – Hoxha dhe anëtarët e bordit të ShSKUK,
Prishtinë, 27 janar 2023
Sot, Ministri i Shëndetësisë Dr. Arben Vitia vizitoi ShSKUK-në me ç’rast uroi u.d. drejtoreshën, Dr. Narqize Arenliu – Hoxha për detyrën e re. Ministri Vitia e siguroi Dr. Arenliu – Hoxha se do ta ketë gjithë mbështetjen në kuadër të kompetencave ligjore.
Gjatë këtij takimi ministri Vitia tha se përmirësimi i shërbimeve shëndetësore është mision i përbashkët, pavarësisht se detyrat dhe përgjegjësitë janë të ndara.
“Ju siguroj se do të keni përkrahjen time maksimale në punët që na presin bashkërisht për të përmirësuar shërbimet dhe rritur kapacitetet në ShSKUK”, tha ministri Vitia.
Nga ana e saj, u.d. drejtoresha Narqize Arenliu – Hoxha, e falënderoi ministrin Vitia për vizitën dhe përkrahjen në detyrën e saj të re.
Ministria Vitia, në takimin ku pjesëmarrëse ishin edhe udhëheqësja e Bordit të ShSKUK-së, Dr. Aida Rexhepi dhe anëtarja e Bordit, Dr. Agreta Gecaj, theksoi se rritja e buxhetit të shëndetësinë duhet të reflektojë në mënyrë të shpejtë edhe në ngritjen e performancës dhe përmirësimin e shërbimeve për qytetarët.
Në fund të takimit, ministri Vitia dhe drejtoresha Arenliu – Hoxha u pajtuan për shtimin e dinamikës së punës dhe se brenda këtij viti prej ndryshime pozitive në shërbimet që ofron ShSKUK-së, gjë që do të reflektohet edhe me forcimin e besimit të qytetarëve në institucionet publike shëndetësore.