Kuvendi i Republikës së Kosovës sot miratoi në lexim të parë Projektligjin për çmimet e barnave.
Ministria e Shëndetësisë (MSh), ka njoftuar se me hyrjen në fuqi të këtij projektligji, çmimi i barnave në Kosovë do të nivelizohet dhe do të jetë i njëjtë me çmimin si në shtetet referente të rajonit, përcjell Gazeta Shneta.
Ky projektligj ka rëndësi të madhe dhe ministria e Shëndetësisë ka listuar disa pika kyçe që ndikojnë direkt me këtë ndryshim:
– Ulje në përgjithësi e çmimeve të barnave që ndikon drejtpërdrejt në buxhetet e familjeve tona.
– Vendosja e çmimeve tavan për kontraktim të barnave nga ana e institucioneve shëndetësore publike.
– Vendoset baza për rimbursimin e barnave nga ana e Fondit për Sigurime Shëndetësore.
– Vendosë konkurrencën mes barnatoreve komunitare në nivel profesional, e jo me ndryshim në çmime siç ka qenë praktikë e deritanishme, por edhe me shërbime.
– Çmimet e barnave të përballueshme dhe të unifikuara.
Ndërsa, për herë të parë në vendin tonë krijohet një sistem rregullativ për çmimin e barnave. /Gazeta Shneta/