Partia Demokratike e degës në Dragash ka reaguar për mbylljen e laboratorit të QKMF-së si dhe mbylljen e QMF-së gjatë vikendeve.
Përmes një postimi PDK-ja ka akuzuar kryetarin e komunës së Dragashit Behxhet Xheladini për keqmenaxhim, shkruan Gazeta Shneta.
Sipas njoftimit PDK-ja thotë se mbyllja e QMF-ve vikendeve si dhe mbyllja e laboratorit të QKMF-së dëmton qytetarët e sëmurë kronikë dhe ata me sëmundje malinje. Sipas tyre, ky veprim është i qëllimshëm nga ana e kryetarit që t’i detyrojë qytetarët të kryjnë shërbime shëndetësorë në ambulantën private të tij.
Kryetari Xheladini me këto veprime pa njoftim zyrtar dhe pa asnje arsyetim për këto veprime qe po i bënë dëme popullatës së rrezikuar si të sëmurët kronik dhe ata me sëmundje malinje të cilët nuk mund të përballojnë pritjet e gjata si dhe tollovitë në institucionet shëndetësore shtohet dyshimi se keto veprime janë te qellimshme te kryetarit qe t’i detyron qytetarët dhe pacientët të kërkojnë shërbime shëndetësore private (në ambullantën private të kryetarit), thuhet në njoftim.
Ata kanë kërkuar nga kryetari Xheladini që të shtohen kapacitetet mjekësore në të gjitha QMF-të dhe të hapet sa më shpejt laboratori i analizave laboratorike në QKMF.
Reagimi i plotë:
/Gazeta Shneta/