Së shpejti pritet që QKMF-ja e Komoranit të fillojë shërbimin e rëntgenit.
Sipas njoftimit nga faqja zyrtare e komunës së Drenasit bëhet e ditur se paisja e rëntgenit do të vihet në funksion nga mesi i gushtit, shkruan Gazeta Shneta.
Me blerjen e apartatit të ri të rëntgenit nga QKMF-ja e Drenasit është mundësuar që shërbimi i rëngenit të fillojë edhe në Komoran, kjo pasi që aparati i mëparshëm i QKMF-së së Drenasit është funksional dhe do të zhvendoset në QKMF-në e Komoranit.
Njoftimi i plotë:
Përkujdesja parësore në komunën e Drenasit, po merr cilësi të reja, pas blerjes së aparatit të ri të rëntgenit të vendosur në QKMF.
Pajisja e mëhershme e rëntgenit, do të funksionalizohet në Qendrën e Mjekësisë Familjare në Komoran, ku qytetarëve do t’u ofrohet ky shërbim. Kështu, Përkujdesja parësore në Drenasit, do të ofrojë në dy vende shërbime rentgenologjike, në QKMF dhe QMF.
Kompania e cila ka marrë përsipër demontimin, transferin, montimin dhe lëshimin në punë të rentgenit, deri nga mesi i gushtit pritet ta bëj gati në shërbim të qytetarëve.
Komuna e Drenasit, ka bërë investime të konsiderueshme në shëndetësi dhe ofron përkujdesje parësore 24 orës në QKMF në Drenas dhe QMF në Komoran.
/Gazeta Shneta/