Për shkak të një incidenti që ka ndodhur në orët e hershme të mëngjesit, ku një lokal është përfshirë nga zjarri, Qendra Klinike Universitare e Kosovës ka mbetur pa energji elektrike.
Oda e Mjekëve të Kosovës ka njoftuar se si pasojë e incidentit ka mungesë të energjisë elektrike dhe për këtë arsye ata nuk mund të ofrojnë shërbime administrative, shkruan Gazeta Shneta.
Njoftimi i plotë:
Të nderuar anëtarë,
Ju njoftojmë se për shkak të incidentit që ka ndodhur sot në QKUK, kemi mungesë të energjisë elektrike dhe si rrjedhojë e kësaj nuk mund të ju ofrojmë shërbime administrative që ndërlidhen me pajisjet elektronike, deri në rregullimin e këtij problemi.
Kujtojmë se sot në mëngjes restoranti “Higjiena” i cili ndodhet brenda hapësirave të Qendrës Klinike Universitare të Kosovës është përfshirë nga zjarri sot në mëngjes. Policia e Kosovës kanë deklaruar se fatmirësisht nga zjarri nuk ka të lënduar. Këtë e ka konfirmuar zëdhënësja Flora Ahmeti./Gazeta Shneta/