Gjyshi i djalit 3-vjeçar i cili humbi jetën pasi është trajtuar nga dentisti në Tiranë ka folur për Euronews Albania. Ai tha se në një ditë djalit të mitur iu trajtuan 14 dhëmbë në të njëjtën ditë.
“Djali nuk ka pasur shqetësime, por i ishin nxirë një pjesë e vogël dhe dhëmballëve dhe ne menduam që t’ia pastronim për të pasur një higjienë më të pastër. Na këshilluan këtë mjek duke na thënë se është mjeku më i mirë. Shkuam një ditë më parë për të takuar mjekun. E mori djalin në krahë e përqafoi i bëri analizat. Ne nuk e dimë se çfarë i bëri. Mjeku tha se i pa të gjitha me aparaturë, i bëri analiza gjaku, e vizitoi në prezencën time, të djalit dhe të nuses”, tha gjyshi.
