Pediatria në qytetin e Mitrovicës është në gjendje si mos më keq, dhe për këtë Jepi zë ka raportuar disa herë.
Objekti i ri që është nën menaxhimin e Ministrisë së Shëndetësisë dhe që gjendet në spitalin e Mitrovicës ka filluar të shkatërrohet, pasi punimet kanë përfunduar disa vite më parë, shkruan Jepi zë.
Nga pamje shihet se aty ka mbuluar pluhuri dhe pajisjet kanë filluar të amortizohen dhe prishen ndërsa fëmijët e qytetit të Mitrovicës nuk kanë marrë asnjë shërbim
Pediatria në qendër të Mitrovicës ku trajtohen fëmijët të jep përshtypjen se gjendeni në ndonjë deponi, e jo në institucion shëndetësor.
Ky objekt është degë e spitalit të Mitrovicës mirëpo për shkak të një borxhi, objekti i ri i pediatrisë nuk është lëshuar ende në funksion, dhe deri në lëshimin e këtij institucioni, qytetarët mitrovicas do të detyrohen që fëmijët t’i dërgojnë në katin e tretë dhe ta durojnë papastërtinë e madhe./Jepi zë/
