Ministria e Shëndetësisë (MSh), ka njoftuar rreth mbarëvajtjes së zhvillimit të mamografisë në njërën prej komunave të vendit. Kjo vie si përpjekje për ndërgjegjësim rreth sëmundjes së kancerit të gjirit që po bëhet në muajin tetor.
Sipas MSh-së, “në Komunën e Mitrovicës Veriore brenda 3 ditësh janë realizuar 100 kontrolle të mamografisë, kryesisht gra të komunitetit serb dhe jo vetëm”, transmeton Gazeta Shneta.
Komunikata e plotë:
Rreth 100 mamografi u realizuan për 3 ditë në Komunën e Mitrovicës Veriore
Në kuadër të muajit për ndërgjegjësimin ndaj sëmundjes së kancerit të gjirit, janë duke u realizuar kontrolle në të gjitha komunat.
Në Komunën e Mitrovicës Veriore, brenda 3 ditësh janë realizuar 100 kontrolle të mamografisë, kryesisht gra të komunitetit serb dhe jo vetëm.
Këto shërbime dhe të tjera do të vazhdojnë të ofrohen për qytetarë në të gjithë territorin e Republikës së Kosovës.