Ministria e Shëndetësisë ka anuluar tenderin me anë të të cilit do të furnizonte me barna personat që vuajnë nga sëmundje të rralla.
Ministria e Shëndetësisë ka anuluar tenderin me titull “Furnizim me produkte specifike për sëmundje te rralla nga LE”. Përmes këtij tenderi MSh do të furnizonte me barna pacientët e prekur nga sëmundje të rralla në Kosovë, shkruan Gazeta Shneta.
Në njoftimin e vendimit të MSh-së thuhet se procedura është anuluar për shkak se nuk ka qenë në harmoni me Ligjin për Produkte dhe Pajisje Medicinale.
“Gjatë procesit të vlerësimit të ofertave është vërejtur se dosja e tenderit nuk është e harmonizuar me Ligjin për Produkte dhe Pajisje Medicinale 04 L-190, andaj AK-Ministria e Shëndetësisë bazuar në paragrafin 1.1. të Nenit 62 të LPP-së – Përfundimi i Aktivitetit të Prokurimit, e Anulon këtë aktivitet të prokurimit”, thuhet në vendim.
Lotet që janë anuluar janë: Lot 2 lomitapide 10mg; Lot 3 romiplotsim 500mcg; Lot 4 romiplotsim 250mcg; Log 6 eculizumab 10mg ml, 30ml; Lot 7 esterase inhibitor recombinant 2100IU; Lot 9 azacitidine 300mg; Lot 11 carfilzomib 10mg 5 ml; Lot 12 carfilzomib 30mg 15 ml; Lot 14 coagulation factor V II recombinant 2mg (100 KIU) dhe Lot0 15 dimenthyl fumarate 240mg.
Të gjitha produktet e shpallura në këtë procedurë janë në Listën Esenciale të Barnave. /Gazeta Shneta/