Mjeku i njohur nga Prizreni, Ahmet Goçaj, është ndarë nga jeta sot në moshën 59-vjeçare, raporton Gazeta Sinjali.
Lajmin për vdekjen e tij e kanë bërë të ditur familjarët, përmes njoftimeve në rrjete sociale.
“Me zemër të thyer, njoftojmë miqtë, shokët dhe dashamirët se më i dashuri ynë Dr. Ahmet (Sadri) Goçaj, sot iu bashkua përjetësisë. Jeta jote plot dinjitet na la me kokën lartë, të qoftë dheu i lehtë i Kosovës që e dashte aq shumë!
Bashkëshortja, Shpresa, djali Ibri, vajzat Kaltrina dhe Alba, dhe mbarë familja Goçaj nga Kosova, Mali i zi, Europa e Amerika” thuhet në njoftim.
Dr. Ahmeti ishte mjek humanist dhe atdhetar, pasi së bashku me bashkëshorten, gjatë kohës së luftës çlirimtare në Kosovë, dhanë ndihmë të madhe në shërimin e pjesëtarëve të UÇK-së dhe popullatës civile.