Ministria e Shëndetësisë do të blejë dy lloje të vaksinave me buxhet rreth 2.5 milionë Euro.
Ministria e Shëndetësisë ka publikuar kontratat e parashikuara për blerjen e dy llojeve të vaksinave, atë kundër sëmundjeve tetanosit, difterisë dhe kollës së mirë, si dhe vaksinën kundër meningjitit, shkruan Gazeta Shneta.
Për vaksinën DPaT-HiB-IPV janë planifikuar mbi 2.4 milionë euro nga Ministria e Shëndetësisë. Kontrata pritet të iniciohet më 1 gusht të këtij viti.
Kjo vaksinë ka qenë e regjistruar për autorizim marketing në Kosovë, nga prodhuesi francez “Sanofi”. Vendimi për shfuqizimin e AM-së për të është publikuar në listën e AKPM-së më datë 4 dhjetor 2023.
Ndërkaq për vaksinën tjetër kundër sëmundjes së meningjitit, MSh ka ndarë mbi 76 mijë Euro. Edhe kontrata për këtë vaksinë pritet të iniciohet në gusht.
Vaksina kundër meningjitit i është shtuar kalendarit të vaksinimit së fundmi, bashkë me dy vaksina të tjera, HPV dhe Rotavirusit. /Gazeta Shneta/