Një ngjarje e rëndë ka ndodhur sot pasdite në fshatin Llapnasellë, ku një person është dërguar pa shenja jete në Shtëpinë e Shëndetit, raporton Gazeta Sinjali.
Sipas informacioneve të para, bëhet fjalë për një të moshuar, vdekja e të cilit është konfirmuar nga ekipi mjekësor , ku pas kontrollit u konstatua se viktima ishte pa shenja jete.
I ndjeri, siç merr vesh Sinjali, dyshohet se pësoi lëndime të rënda pasi e ka zënë dera e oborrit dhe për pasojë nuk ka arritur t’iu bëjë ballë plagëve.
Lidhur me rastin, Policia ka intervenuar në vendin e ngjarjes, ku janë kryer ekzaminimet e nevojshme që zbardhin rrethanat e asaj që ka ndodhur.
Me urdhër të Prokurorit, pritet të nisin hetimet për vdekjen e të moshuarit.