Mbreti Charles III mund të refuzojë trajtimin e kancerit pasi ai “nuk beson në kimioterapinë”, ka pohuar një ish-gazetar i BBC.
Kjo vjen pasi u zbulua se Mbreti Charles është diagnostikuar me një “formë kanceri”, raporton GB News përcjell Gazeta Shneta.
Duke folur me Nigel Farage në GB News, gazetari Tom Bower shpjegoi se: “Unë jam duke spekuluar, por Mbreti është një promovues i mjekësisë alternative.
Ai nuk do të ishte një për kimioterapinë. Ai gjithmonë ka argumentuar kundër saj. Ai është një besimtar i madh në barërat natyrore dhe ilaçet dhe gjëra të tilla”, tha Bower.
“Pra, supozimi im është se në momentin që ai po merr këshilla nga një njeri i quajtur Michael Dixon, të cilin ai e ka mbrojtur për shumë vite, ka drejtuar institutin e tij të mjekësisë alternative natyrore të diskredituar nga shumë njerëz.
Mbreti është një besimtar i madh në të. Natën e kaluar, u befasova shumë që njerëzit vazhdonin të thoshin se ai do të ketë kimioterapi ose rrezatim dhe pjesët tjera”, theksoi Bower.
Kujtojmë se në fillim të kësaj jave, Buckingham Palace ka njoftuar se Mbreti Charles është diagnostikuar me një formë kanceri, gjatë trajtimit të tij të fundit për një prostatë të zmadhuar. /Gazeta Shneta/