Pas mbi 44 vitesh përvojë pune të palodhur dhe të përkushtuar në shërbim të pacientëve dhe qytetarëve të komunës së Fushë Kosovës është pensionuar infermierja Hyrije Drenovci-Tërnava.
Ajo u nderua me një ceremoni të veçantë nga QKMF-ja e Fushë Kosovës me rastin e pensionimit të saj, përcjell Gazeta Shneta.
QKMF-ja në Fushë Kosovë shpreh falënderim për angazhimin dhe kontributin e vyer të infermieres Drenovci-Tërnava dhe i uron një pensionim të lumtur dhe të shëndetshëm, duke shprehur mirënjohje për dedikimin e saj ndaj shëndetit dhe mirëqenies së pacientëve.
E respektuar dhe e nderuar nga kolegët e saj, infermierja Drenovci-Tërnava ka qenë një figurë e shquar në ekipin mjekësor, duke shërbyer me pozitivitet, afërsi dhe kreativitet në çdo moment të karrierës së saj shëndetësore. /Gazeta Shneta/
