Ministria e Shëndetësisë përmes një tenderi në vlerë 185 mijë Euro ka blerë shërbimet e 19 mjekëve për pacientët në burgjet e Kosovës. Kontratat e mjekëve do të zgjasin tre vjet.
Ministria e Shëndetësisë përmes një tenderi në vlerë mbi 185 mijë Euro, ka blerë shërbimet specialistike të 19 mjekëve për pacientët që gjenden në burgjet e Kosovës, shkruan Gazeta Shneta.
Në dosjen e këtij tenderi thuhet se për shkak të ndryshimit të ligjeve financiare, është bërë e pamundur blerja e këtyre shërbimeve në forma tjera. “Andaj është e nevojshme blerja e shërbimeve përmes formës së Prokurimit për secilën specializim dhe njësi, sipas specifikacionit të hartuar nga Komisioni përkatës i emëruar. Deri me tani numri i konstultantëve dhe orëve të tyre të punës ka ndryshuar sipas nevojave. Në kohët e fundit kemi pasur rreth 25 konsultanë me nga katër orë në jave. Komisioni vlerësues ka shqyrtuar nevojat dhe ka nxjerr minimumin e orëve të nevojshme për këto institucione sipas gjendjes aktuale të stafit dhe nevojave”, thuhet në dosjen e tenderit.
Disa prej mjekëve që do të lidhin kontratë me MSh-në do të punojnë nga dy orë e disa nga katër orë në javë. Kontratat e mjekëve variojnë nga 6624 Euro, deri në 9936 Euro dhe më e larta 13,248 Euro.
Kontratat e mjekëve do të zgjasin tre vjet.
Më poshtë i gjeni emrat e plotë të mjekëve që janë shpallur fitues nga Ministria e Shëndetësisë. Lotet 6, 14 dhe 19 janë anuluar. /Gazeta Shneta/
