Dy kardiologët shqiptarë, Prof. Florim Cuculi nga Zvicra dhe Dr. Aurel Toma nga Austria, kanë punuar për tre ditë në Klinikën e Kardiologjisë në QKUK.
Cuculi dhe Toma kanë mëbshtetur kolegët kardiologë në Qendrën Klinike Universitare të Kosovës, duke shkëmbyer përvojat e tyre për trajtimin e rasteve komplekse, shkruan Gazeta Shneta.
Ministri i Shëndetësisë Arben Vitia ka thënë se krahas shkëmbimit të përvojave, është diskutuar edhe për bashkëpunim të vazhdueshëm të kardiologjisë invazive në Kosovë me qendrat evropiane.
“Ky bashkëpunim është në vazhdën e fuqisë së rrjetëzimit të profesionistëve tanë nga mërgata dhe një hap i rëndësishëm drejt përmirësimit të shërbimeve shëndetësore për qytetarët tanë. Faleminderit për përkushtimin dhe kontributin tuaj të jashtëzakonshëm!”, ka shkruar Vitia. /Gazeta Shneta/
