Gjatë muajit korrik të këtij viti, në rajonin e Ferizajt janë raportuar gjithsej 242 aksidente të komunikacionit rrugor.
Policia Rajonale e Ferizajt, përmes një komunikate për media ka njoftuar se në përgjithësi numri i aksidenteve për muajin korrik-2024 ka qenë në zbritje, prej -14.8%, për dallim nga muaji korrik-2023, që janë raportuar 284 aksidente të komunikacionit rrugor, raporton EO.
Gjithsej në rajonin e Ferizajt, përshirë komunat Ferizaj, Kaçanik, Shtime, Shtërpcë dhe Hani Elezit janë raportuar gjithsej 242 aksidente të komunikacionit rrugor , prej tyre një me fatalitet, një person i vdekur, 95 të lënduar, 146 dëme materiale.
“Policia Rajonale e Ferizajt do të vazhdojë me aktivitete të shtuara, me synim parandalimin e aksidenteve në komunikacionin rrugor dhe apelon tek shoferët që të bëjnë kujdes, të respektojnë shenjat dhe rregullat e komunikacionit. Ndërsa, ftojmë qytetarët që të bashkëpunojnë më policinë. Për të gjitha kundërvajtjet që shkaktohen në komunikacion, të njoftojnë menjëherë policinë, stacionin më të afërt, apo përmes aplikacionit digjital ‘’Lajmëro Policinë ”.
