Në mbledhjen e 65-të, Bordi Drejtues i Shërbimit Spitalor dhe Klinik Universitar të Kosovës (ShSKUK) ka miratuar planin strategjik 2025-2027 dhe planin vjetor për Njësinë e Auditimit të Brendshëm të ShSKUK-së për vitin 2025.
Mbledhjen e hapi kryesuesi i Bordit Drejtues, Dren Boshnjaku, duke ia kaluar fjalën Besnik Zejnullahut, ushtrues detyre i drejtorit të Njësisë së Auditimit të Brendshëm të ShSKUK-së.
Zejnullahu prezantoi strategjinë dhe planin e auditimit për vitin 2025, ku përfshihen njësitë dhe sektorët që planifikohen të auditohen, si dhe auditime specifike që mund të kryhen me kërkesë, transmeton Gazeta Shneta.
Drejtori i përgjithshëm i ShSKUK-së, Elvir Azizi, raportoi për punët dhe aktivitetet e realizuara deri më tani dhe ato që janë në proces të realizimit, duke informuar për zhvillimet e fundit në institucion.
Pas mbledhjes, anëtarët e Bordit Drejtues vizituan Klinikën e Biokimisë dhe Shërbimin Klinik të Mikrobiologjisë. Gjatë vizitës, drejtori i Klinikës së Biokimisë, Shemsi Veseli, dhe drejtoresha e Shërbimit Klinik të Mikrobiologjisë, Greta Lila, ofruan një pasqyrë të detajuar mbi aktivitetet në këto njësi. Ata theksuan arritjet e deritanishme, sfidat e hasura dhe planet për përmirësimin dhe zhvillimin e shërbimeve për pacientët.
Postimi i plotë:
Në mbledhjen e 65-të, Bordi Drejtues i Shërbimit Spitalor dhe Klinik Universitar të Kosovës ( ShSKUK), ka miratuar Planin Strategjik 2025-2027 dhe Planin vjetor 2025, për Njësinë e Auditimit të Brendshëm të SHSKUK-së.
Mbledhjen e hapi kryesuesi i Bordit Drejtues, Dren Boshnjaku, i cili fjalën e kaloi tek Besnik Zejnullahu, u.d. drejtor i Njësisë së Auditimit të Brendshëm- ShSKUK, për të prezantuar strategjinë, por edhe planin e auditimit për vitin 2025, përfshirë njësitë dhe sektorët që planifikohen të auditohen, por edhe auditimet specifike, me kërkesë.
Në këtë mbledhje, drejtori i përgjithshëm i ShSKUK-së, Elvir Azizi, raportoi për punët dhe aktivitetet që janë realizuar dhe që janë në procedurë të realizimit në ShSKUK.
Pas mbledhjes, anëtarët e Bordit Drejtues- ShSKUK, vizituan Klinikën e Biokimisë dhe Shërbimin Klinik të Mikrobiologjisë.
Gjatë vizitës, drejtori i Klinikës së Biokimisë, Shemsi Veseli dhe drejtoresha e Shërbimit Klinik të Mikrobiologjisë, Greta Lila, shpjeguan punën që bëhet në këto dy njësi, treguan arritjet, sfidat, planet dhe kërkesat që kanë për zhvillim të mëtejmë të shërbimeve për pacientë.