Ministri i Shëndetësisë Arben Vitia ka deklaruar sot se Strategjia Sektoriale e Shëndetësisë do të mundësojë krijimin e një sistemi të qëndrueshëm shëndetësor.
Ministria e Shëndetësisë ka mbajtur sot një prezantim të Strategjisë Sektoriale të Shëndetësisë 2025-2030. Në këtë ngjarje ka marr pjesë edhe ministri Arben Vitia, i cili ka thënë se me këtë strategji synohet të krijohet një sistem i qëndrueshëm shëndetësor, shkruan Gazeta Shneta.
“Udhëheqja e sektorit që prek cdo ditë jetën e qytetarëve, është një përgjegjësi e madhe për të punuar maksimalisht për të rritur qasjen, cilësinë dhe sigurinë e shërbimeve shëndetësroe. Strategjia promovon shërbime të sigurta dhe me qasje të lehtë. Zbatimi i synineve tona të përcaktuara me strategji do të arrijë kalimin e sistemit shëndetësor të qëndrueshëm”, ka deklaruar Vitia.
Ai ka thënë se rol kyq në arritjen e këtyre synimeve do të ketë Kujdesi Parësor Shëndetësor si dhe investimi dhe forcimi i efikasitetit të spitaleve.
“Shëndetësia duhet të jetë prioritet në politikat tona dhe kjo strategji na jep mundësi që së bashku me profesionistët shëndetësorë, t’i koordinojmë aktivitet tona, t’i monitorojmë dhe t’i bëjmë të zbatueshme”, ka deklaruar ministri.
Sekretari i Përgjithshëm i MSh-së Naim Bardiqi, ka deklaruar se Strategjia Sektoriale është rezultat i bashkëpunimit të ngushtë midis institucioneve dhe partnerëve strategjik.
“Grupi ka analizuar të dhëna të shumta të konfirmuara dhe në këtë proces janë analizuar dokumente kyçe”, ka deklaruar Bardiqi.
Prezantimin e dokumentit e kanë bërë Mentor Sadiku dhe Niman Bardhi nga MSh. /Gazeta Shneta/