Pesë vjet pas shpalljes së COVID-19 si emergjencë globale, përpjekjet e BE-së për të rritur rezervat mjekësore për të përmirësuar reagimin ndaj krizave janë penguar nga mungesa e qartësisë mbi atë që çdo shtet ka në rezervë.
“Ruajtja e medikamenteve konsiderohet një çështje e sigurisë kombëtare në shumë shtete anëtare, prandaj informacioni është i klasifikuar, pasi mund të zbulojë disa dobësi,” tha Laurent Muschel, Drejtor i Përgjithshëm në Autoritetin për Përgatitje dhe Reagim ndaj Emergjencave Shëndetësore (DG HERA) për Euronews Health.
Nëse një vend nuk ka mbrojtje ndaj një kërcënimi të caktuar shëndetësor – qoftë një patogjen apo një rrezik kimik, biologjik, radiologjik ose bërthamor (CBRN) – mund të ekspozojë dobësi që kundërshtarët mund të shfrytëzojnë këtë, transmeton Gazeta Shneta.
Për t’u përgatitur më mirë, Komisioni do të paraqesë një strategji për kundërmasat mjekësore kundër kërcënimeve për shëndetin publik. Kjo do të përfshijë mjete si blerjet e përbashkëta dhe një plan më të gjerë për ruajtjen e stokut të BE-së.
Kjo strategji do të plotësojë Aktin për Medikamentet Kritike, i cili do të paraqitet më vonë këtë muaj, i cili përqendrohet në parandalimin e mungesës së medikamenteve dhe sigurimin e zinxhirëve të furnizimit.
Sipas Muschel, rreziku më i madh aktual për BE-në është gripi i shpendëve.
“Me raste të rregullta të infeksioneve të njerëzve në SHBA dhe rrezikun e mutacionit që çon në transmetim nga njeriu në njeri, ne e konsiderojmë atë kërcënimin më të madh,” tha ai, duke theksuar nevojën për vaksina të gatshme për përdorim.
“Deri më tani, rastet kanë qenë vetëm nga kafshët te njerëzit, por sa më shumë njerëz të preken, aq më shumë ka rrezik për mutacion,” shtoi ai.
Pasiqë shumica e rasteve të gripit të shpendëve janë në SHBA, një sfidë tjetër lind – vendimi i administratës Trump për t’u tërhequr nga Organizata Botërore e Shëndetësisë (OBSH) dhe kufizimi i komunikimit ndërkombëtar. /Gazeta Shneta/