Një trup pa shenja jete është gjetur në bulevardin “Bill Klinton” në Prishtinë, të mërkurën rreth orës 18:15.
Zëdhënësi për media në Policinë e Kosovës në Prishtinë, Agron Borovci, ka shtuar se është raportuar për një person të shtrirë në tokë.
“Policia menjëherë ka dalë në vendin e ngjarjes si dhe mjekët emergjentë të cilët kanë konstatuar se personi, mashkull, rreth 57-vjeç, është pa shenja jete”, tha Borovci.
Për të njëjtin rast, klankosova.tv mëson se 57-vjeçari ishte duke e pritur autobusin në stacion dhe më pasë ka rënë në tokë.
I njëjti kishte probleme me zemër, pra ishte i sëmurë. Familjarët e të ndjerit kanë thënë se nuk dëshirojnë që të ndjerit t’i bëhet autopsia, dhe i trupi i të njëjtit i është dhënë familjes.