Katër pacientë të lënduar në tragjedinë e Koçanit të cilët po kurohen jashtë shtetit janë në gjendje kritike, kurse të tjerët janë në gjendje të qëndrueshme.
Kështu ka bërë të ditur Ministri i Shëndetësisë së RMV-së, Arben Taravari i cili tha se prej 115 pacientëve që po trajtohen jashtë vendit, tetë pritet që gjatë javës të kthehen për kurim në shtet.
Ai gjithashtu bëri të ditur se 46 pacientë për momentin po trajtohen në klinikat e vendit ndërsa 16 prej tyre sot do të lëshohen për kurim shtëpiak.
“Brenda kësaj jave prej të mërkurës presim që disa prej pacientëve që janë stabil dhe mirë të kthehen, ky numër tash për tash që është paralajmëruar besoj se do të jenë 8 pacient”.
“Pacient kritik sot janë katër, por mos ti marrim këto numra si definitiv pasi që jemi në fazën e infeksioneve që mundet të zhvillojnë pacientët dhe mundet në çdo mundet në çdo moment të zhvillohen komplikime të reja”, tha Taravari. /Alsat.mk