Në Spitalin e Prizrenit janë publikuar emrat e kandidatëve për drejtor të këtij institucioni.
Shërbimi Spitalor Klinik dhe Universitar i Kosovës i ka publikuar emrat e kandidatëve për pozitën e drejtorit të Spitalit të Prizrenit, shkruan Gazeta Shneta.
Për këtë pozitë është rikthyer në skenë edhe një ish-drejtor i këtij spitali, Afrim Avdaj. Ky i fundit pati udhëhequr Spitalin e Prizrenit për disa vite, nga 2014-ta deri në 2022. Avdaj ndryshe ka qenë edhe anëtar i degës së PDK-së në Prizren si dhe shef i grupit të asambleistëve të kësaj partie në Kuvendin Komunal në vitin 2013.
Në këtë konkurs ka konkurruar edhe ish-drejtoresha Narqize Arenliu Hoxhaj. Kjo e fundit e ka udhëhequr këtë spital në tre vitet e fundit. Edhe Arenliu Hoxhaj ka qenë pjesë e politikës së e emëruar në pozitën e drejtoreshës së shëndetësisë në Komunën e Prizrenit kur kjo udhëhiqej nga Lëvizja Vetëvendosje.
Në kohën kur VV e ka udhëhequr Prizrenin, ka qenë asambleist nga kjo parti edhe Osman Hajdari. Edhe ky është kandidat për drejtor të spitalit. Hajdari aktualisht mban pozitën e ud drejtorit të Qendrës Klinike Universitare të Kosovës.
Kandidati tjetër në këtë konkurs është edhe Sami Ahmetaj. Ai aktualisht mban pozitën e drejtorit të Administratës dhe Shërbimeve të Përbashkëta. /Gazeta Shneta/