ShSKUK ka shpallur konkurs për katër drejtora dhe dy shefa në administratën qendrore.
Shërbimi Spitalor Klinik dhe Universitar i Kosovës ka shpallur konkurs për katër pozita të drejtorëve dhe dy shefa në administratën qëndrore, shkruan Gazeta Shneta.
Pozita e parë e hapur është ajo e Drejtorit të Departamentit për Shërbime Shëndetësore. Kjo pozitë aktualisht udhëhiqet nga ushtruesi i detyrës Ardian Shefkiu.
Konkursi është hapur edhe për pozitat e drejtorëve në departamentin për Buxhet dhe Financa; Departamentin Ligjor; dhe Departamentin për Administratë dhe Shërbime të Përbashkëta.
Gjithashtu pozitat e lira janë hapur edhe për Udhëheqës të Divizionit për Shërbime të Përgjithshme dhe Logjistike, si dhe në një konkurs të ndarë është hapur pozita për Shef të Sektorit të Personelit për Qendrën Klinike Universitare të Kosovës. /Gazeta Shneta/