Spitali i Përgjithshëm në Pejë ka njoftuar se gjatë ditës së djeshme janë ofruar një sërë shërbimesh mjekësore për pacientët në të gjitha repartet.
Në total janë regjistruar 506 vizita specialistike, 40 pranime të reja, ndërsa aktualisht në spital po trajtohen 189 pacientë të shtrirë, transmeton Gazeta Shneta.
Nga ana tjetër, 308 pacientë kanë kryer 3,282 analiza laboratorike, ndërsa janë shënuar edhe 2 lindje, të dyja vajza.
Po ashtu, gjatë kësaj dite janë realizuar 9 operacione me sukses, 38 dializa, si dhe dhjetëra ekzaminime diagnostike: 78 rëntgen, 49 ultrazëra, 23 CT, 11 MRI, 11 ekokardiografi, 1 ergometri dhe 4 kolonoskopi.
Gjithashtu, janë ofruar 20 shërbime fiziatrike për pacientët në nevojë./Gazeta Shneta/