Drejtoresha e Shërbimit të Mbrojtjes Civile të Lisbonës, Margarida Castro Martins, tha se numri i viktimave nga përplasja e funikulorit në Lisbonë është rritur në 17, nga 16 sa ishte më herët.
Në një konferencë për media, ajo tha se dy persona kanë vdekur në spital gjatë natës.
Një aksident i rëndë ndodhi mbrëmjen e së mërkurës në Lisbonë, ku teleferiku historik, Gloria Funicular, një nga atraksionet më të famshme turistike të qytetit, ka dalë nga shinat funikulare duke shkaktuar një tragjedi.