Më 26 shtator, duke filluar nga ora 10:00, organizohet një trajnim 1-ditor i dedikuar ekokardiografisë fetale, një fushë kyçe për diagnostikimin e hershëm të anomalive të zemrës tek fetusi.
Trajnimi do të zhvillohet në Objektin Capital Gate (Restaurant Perla – Te Linda) dhe do të udhëhiqet nga Prof. Dr. Ramush Bejiqi.
Ky trajnim synon të ofrojë njohuri praktike dhe teorike për mjekët gjinekologë, neonatologë, pediatër dhe profesionistë të tjerë të shëndetësisë.
Programi përfshin ligjërata, diskutime interactive dhe ushtrime praktike me ultratinguj, duke i mundësuar pjesëmarrësve të përforcojnë aftësitë në diagnostikimin e hershëm të sëmundjeve kardiake fetale.
Pjesëmarrja është pa pagesë, ndërsa regjistrimi bëhet duke dërguar email në: [email protected]