Një aksident i rëndë trafiku ka ndodhur mbrëmë në hyrje të fshatit Vrellë ku janë lënduar 9 persona.
Spitali i Përgjithshëm i Pejës ka njoftuar se mbrëmë, rreth orës 23:00, në këtë institucion janë pranuar nëntë persona me lëndime të marra si pasojë e një aksidenti trafiku, përcjell Gazeta Shneta.
“Sipas ekzaminimeve dhe trajtimit mjekësor, dy pacientë janë transferuar në Qendrën Klinike Universitare të Kosovës, njëri prej tyre në gjendje të rëndë. Dy pacientë po vazhdojnë trajtimin në Spitalin e Përgjithshëm në Pejë, ndërsa pesë të tjerë, pas trajtimit, janë liruar për në shtëpi,” thuhet në njoftimin e spitalit.
Në komunikatë, Spitali i Pejës thekson se ekipet mjekësore kanë ofruar menjëherë ndihmën e nevojshme dhe trajtimin profesional për të gjithë të lënduarit. /Gazeta Shneta/
Njoftimi i plotë:
NJOFTIM PËR OPINIONIN PUBLIK
Mbrëmë, rreth orës 23:00, në Spitalin e Përgjithshëm në Pejë janë pranuar nëntë persona me lëndime të marra nga një aksident trafiku.
Pas ekzaminimeve dhe trajtimit mjekësor:
Dy pacientë janë transferuar në Qendrën Klinike Universitare të Kosovës, njëri prej tyre në gjendje të rëndë.
Dy pacientë janë duke u trajtuar në Spitalin e Përgjithshëm në Pejë.
Pesë pacientë, pas trajtimit, janë liruar për në shtëpi.
Ekipet mjekësore të spitalit kanë ofruar menjëherë ndihmën e nevojshme dhe trajtimin profesional për të gjithë të lënduarit.