Në Qendrën Klinike Universitare të Kosovës është kryer për herë të parë zëvendësimi i harkut të aortës me procedurën e avancuar Frozen Elephant Trunk , së bashku me Bentall procedurën për zëvendësimin e rrënjës së aortës.
Operacioni është cilësuar si një ndër më kompleksët në fushën e kardiokirurgjisë, përcjell Gazeta Shneta.
Sipqs njoftimit pacienti i operuar kishte pësuar disekacion akut të aortës dy vite më parë dhe ishte trajtuar jashtë vendit. Për shkak të përkeqësimit të gjendjes, u bë e domosdoshme ndërhyrja e dytë kirurgjike.
Operacioni u realizua nga ekipa e udhëhequr nga Prof. Dr. Omer Xhemali, drejtor i Kardiokirurgjisë në Spitalin Universitar të Cyrihut, së bashku me Dr. Petar Risteski, anesteziologen Dr. Dominique Bettex dhe ekipën vendore të QKUK-së.
Sipas njoftimit të QKUK-së ky lloj intervenimi, shumë i kushtueshëm dhe teknikisht i ndërlikuar, zakonisht kryhet vetëm në qendra të specializuara ndërkombëtare.